اعلان ممول

الأربعاء، 5 أكتوبر، 2016

الرئيسية نصائح اعرفها قبل ما تبدء في مشروع تعبئة الزيوت | الجزء الاول

نصائح اعرفها قبل ما تبدء في مشروع تعبئة الزيوت | الجزء الاول


السلام عليكم 

 بدون مقدمات ولا اي دباجه للموضوع :)
مشروع تعبئة الزيوت ,زيه زي اي مشروع في الدنيا ,له مجموعة من المدخلات ومجموعة مخرجات ,يعني بالبلدي ايه اللي بيدخل للمشروع وايه اللي بيطلع منه ,واللي بيطلع منه هيروح فين .
قبل ما اتكلم عن مخلات ومخرجات المشروع ,هو المشروع نفسه بيحتاج ايه ؟
 الزيوت النباتية بتمر بمراحل حتي تصل الي المنتج النهائي وهي :

  • جمع البذور وتنظيفها وفرزها من اي شوائب 
  • عصر البذور لاستخراج الزيوت منها ,وهنا الزيت خام 
  • تكرير الزيوت الخام لازالة الروائح والاحماض الغير مرغوب فيها .
  • عملية التخزين والتعبئة .
  • عملية التسويق والبيع 
ديه المراحل اللي بيمر بها الزيت حتي يصل للمستهلك النهائي ,في مشروع التعبئة ,بنشتغل علي المرحلتين الاخيرتين ,تخزين وتعبئة ثم تسويق وبيع .
 مشروع تعبئة الزيوت بيحتاج الي الاتي 
  • مساحة ارض لاتقل عن 300 متر مربع صافي ويكون مغطي سواء بمبني خرساني او جمالونات .
  • خزان  لحفظ المواد الاولية وهو الزيت .
  • الية لتعبئة الزيوت النباتية سواء يدوي او نص اتوماتيك او خط اتوماتيك كامل وهتكلم في بوست منفصل عن الماكينات لوحدها .
  • ادراة  للمشروع  وبكامل الادوات التي تساعدها في ادرارة المشروع .والنقطه ديه هتكلم عنها .
  • تراخيص للمشروع ,رخصة صناعي لتعبئة المواد الغذائية ,رخص للمياه ,ورخصة للكهرباء,ورخصة للحماية المدنية والامن الصناعي .وتامين علي العمال ,طبع الكلام ده للي هيعمل مشروع يتسمي مشروع ,اما الشغل اللي عكس الكلام ده مش مسئوليتي .
  • عمالة وادوات مساعدة ليها .
  • بس كده :) 
توضيح للنقط اللي فوق قبل بس كده :) 
المساحة : للمشروع اليدوي ممكن تبدا باقل من المساحة المذكورة واللي هي 300 متر ,لان كل اللي بتحتاجه هو مكان لحنفيات تعبئة  ومكان يقعد فيه العامل فقط  وطبعا مكان لتخزين المنتجات .

النقطة التانية في بوست منفصل  .

 النقطة التالته : الادارة  والادوات المساعدة ليها ,علشان تدير مشروع تعبئة الزيت لايلزمك اي شئ غير انك تكون فاهم وبتفهم في الارقام وعندك حس تجاري فقط ,وكل الامور الاخري سهل انك تتعلمها مع الزمن من التجربة .الادوات المساعدة ,تليفون وخط موبايل يكون فاتورة ,علشان تعرف تمشي شغلك في اي وقت ,وكمبيوتر  وخط نت لايقل عن 1 ميجا وسكرتير او سكرتيرة :) ,افضل الشغل مع الدكوره :) .

نروح بقي لمدخلات ومخرجات المشروع :
المدخلات : يقصد بها ايه المواد اللي بتدخل للمشروع وهي كالتالي :
  1. المادة الاولية للمشروع وهي الزيت المكرر 
  2. مستلزمات الانتاج زي العبوات البلاستيك والكرتون .
  3. العلامات التجارية ,ولازم تكون مسجلة 
المخرجات : 
كرتونة زيت شكلها حلو وجودة زيت نضيفة وده بيعتمد علي المورد اللي انت اشتريت منه الزيت .

نمسك كل نقطة لوحدها:
الزيت : الزيوت التجارية لاغراض القلي والتحمير والاكل ,هي بالترتيب حسب قوة العرض والطلب 
  • زيت الصويا سواء منفردا او مخلوط بنوع اخر مثل عباد الشمس او الاولين ,السوبر اولين .
  • زيت عباد الشمس المكرر وغير مخلوط باي نوع اخر 
  • زيت الاولين ويستخدم للمطاعم فقط ,وهكذا جرت العادة في مصر ومعظم الدول العربيه .
  • زيت الدرة المكرر وغير مخلوط بشئ اخر .
مستلزمات الانتاج : 
عبوة بلاستيك : وتصنع من خام PET الشفاف ولايكون معاد تدويره من خامات اخري .وتختلف الاحجام التي يتم التعبئة فيها من الاحجام الصغيرو وهي 600 ملي ,750 ملي ,800 ملي ,850ملي ,910 ملي ,950 ملي,1 لتر ,1.8 لتر,2لتر,2.8 لتر,3 لتر,5 لتر الي 10 لتر .15 لتر ,18 لتر ,20 لتر ,25 لتر ,ثم بعد ذلك براميل 100 لتر ,وتانك ى250 لتر ,ثم الاحجام الاكبر والتي تستخدم في تقل الزيوت من مصانع التكرير الي مصانع التعبئة .
ملحوظة : الاحجام اللي تحت 10 لتر فقط تصنع من PET الشفاف .اما الاخري من خامات بلاستيك اتقل .
وديه صوره بتوضح الاحجام 
ن ‪sunflower oil bottel 600 g‬‏
مصدر الصورة : جوجل صور



2- الكرتون : يستخدم الكرتون لتجميع العبوات بداخلة ليسهل نقله وحفظه من التلف ,وحسب معرفتي المتواضعه وانا لست خبيرا بهذه النقطه ان الكرتون يباع سنجل ودبل وكله نوع بسعر مختلف ,طبعا الدبل بيتحمل اوزان اكبر من السنجل ,والوان الكرتون بتحدد سعره من النظرة الاولي ,الكرتون الابيض اغلي من الكرتون اللي لونه اسمر ,لاختلاف الخامة عن الاخري .

 3- غطاء العبوة : ويصنع من البلاستيك وبيكون سعره شامل مع سعر العبوة ,ويفضل الغطاء اللي قطعتين ,قطعه بتمسك في العبوة وقطعه بتتحرك سواء نصف فتحه او فتحة كاملة ,وطبعا الغطاء ابو قطعتين هو الافضل للامان من العبوة .
ونلتقي في بوسط قادم عن المشروع تحياتي 
م مجدي حسن 00201112807976


إرسال تعليق

جميع العروض الاسعار المعلنة هنا والتي تحمل رقم هاتف 01112807976 هي مسؤلية م مجدي حسن ,اما العروض فه. يتم التشغيل بواسطة Blogger.
QM0D5ZMuS4YwrUzVNi1eUkx7qSwkzNwU7zUC6rug+iC5g6LUDD+TjA==