اعلان ممول

اعلان ممول
الرئيسية سؤال : عايز اصدر بس مش عارف اصدر ايه ؟

سؤال : عايز اصدر بس مش عارف اصدر ايه ؟

السلام عليكم 
وردني سوال من الاستاذ علاء +alaa samaa   بخصوص التصدير ,وكان السؤال : 
ا مجدي انا عايز اشتغل في التصدير ومش عارف ابدء باي منتج ارجو الافادة .










اولا شكرا ا علاء علي السؤال 
وقبل الاجابة علي السؤال في توضيح بسيط قبل الاجابة وهو ما هي مكونات عملية التصدير ؟
عملية التصدير لها ثلاثة اضلاع 

  1. السوق 
  2. المنتج المناسب لهذا السوق 
  3. البايع والمشتري داخل هذا السوق 
ناخد كل نقطة لوحدها بالدارسة 
اولا السوق :
الاسواق بالنسبة للمنتجات المصرية  كالاتي 
  1. سوق الاتحاد الاوربي 
  2. سوق دول اوربا الشرقية 
  3. سوق دول الخليج واهمهم السعودية الكويت الاردن الامارات اربيل 
  4. سوق السودان (لوحده سوق )
  5. سوق الافريقي 
هتختار السوق علي حسب الضلع التاني وهو المنتج المناسب للسوق اللي هتختاره 
هنا يكمن التحدي ,اذاي تعرف المنتج المناسب للسوق اللي انت هتختاره 
وده له اكتر من طريقة وهي علي حسب خبرتي 
  • ممكن تتابع التقارير اللي بيتم نشرها  هنا في المدونة 
  • ممكن تجيب تقارير هيئة الصادرات والواردات وتعرف اهم المنتجات اللي بتصدرها مصر والدول الي بتستوردها 
  • استخدم العلاقات في فهم طبيعة السوق ,يعني لو ليك قرايب في السعودية مثلا اسئلهم عن البضايع واحوال السوق ومالي ذلك ,ولكن لا تعتمد علي هذه الطريقة في الاختيار ,فقط علشان تاخد فكرة عن السوق .
  • الزياراة الميدانية للسوق ,يعني تروح هناك بنفسك 
  • ان شاء الله هيكون في سلسلة عن الاسواق واهم المنتجات التي يمكن التصدير اليها 
وبعد ما  تعرف وتتأكد ان  المنتج اللي انت اخترته هو  المناسب للسوق اللي هتختاره  تدور بعدها علي الضلع الاخير 
المشتري داخل هذا السوق واللي هيشتري المنتج 
وهتوصل للمشتري ده ازاي ؟؟
هنا يكمن التحدي كل اللي فوق تقدر تعمله بسهولة ,ولكن المشتري اهم ضلع لانه هو اللي هيشتري المنتج اللي انت اختارته وهو اللي هيدفع لك اموال علشان شركتك تواصل عملها ,طيب وده هتوصله ازاي 
ببساطة 
  • البيع المباشر :تكون عارف المشتري ده فتتصل به وتبيع له مباشرة وانت وشطارتك 
  • الاعلانات : تعمل اعلانات مستهدفة في السوق اللي انت اختارته وديه عايز متحصص يعملها لك ,علشان ماتخسرش فلوسك بدون عائد علي اللي اتصرف علي الاعلان نفسها وهو اختصار لل ROI  (العائد علي الاستثمار في الاعلان ) 
  • حضور المعارض بمنتجاتك داخل السوق اللي اختارته 
  • تدي وكالة للمنتج الي تجار كبار داخل السوق اللي اختارته 
  • تخاطب شركات الاستيراد داخل السوق وتعرض عليهم منتجاتك 
  • تبيني موقع كويس وتعرض فيه منتجاتك وتركز جدا علي الموقع ده بحيث انه يحتل المراتب الاولي لمحرك البحث عند البحث عن كلمات تخص منتجاتك .وديه نقطة مهمة 
  • استخدم العلاقات العامة وسوق نفسك وبضاعتك علي اليويتوب والمنتديات وهتبدي العجلة تدور معاك وربنا يرزقنا ويرزقك
اتمني اكون وفقت في الرد علي سؤالك وتحياتي 
م مجدي حسن 
00201112807976 فايبر واتساب 

إرسال تعليق

جميع العروض الاسعار المعلنة هنا والتي تحمل رقم هاتف 01112807976 هي مسؤلية م مجدي حسن ,اما العروض فه. يتم التشغيل بواسطة Blogger.