الثلاثاء، 11 أغسطس 2015

الرئيسية ازاي تروج لمنتجات شركتك علي الانترنت

ازاي تروج لمنتجات شركتك علي الانترنت

السلام عليكم تسويق منتجات شركتك

التسويق طرقه كتير واقسامه كتير برده  ,بس قبل ما ندخل في الموضوع لازم تفرق بين عملية البيع وعملية التسويق (ان شاء الله في بوست جاي عن الفرق بينهما).

نرجع لموضوعنا  الترويج هو عملية ابلاغ مجموعة من الناس بمنتج معين او خدمة معينة عن طريق رسائل ترويجية مدروسه .

تمام كده ,ده تعريف بسيط للترويج سواء استخدمت وسائل تقليدية مثل اعلانات الجرايد او اعلانات الشارع او طرق جديده مثل الترويج علي الانترنت .

الترويج عن طريق الانترنت الايام ديه بيجيب نتايج كويسة وفعالة لاي شركة .علشان كده انت بتقرء البوست ده

طرق الترويج الاكثر فعالية

  • الترويج عن طريق مواقع التواصل الاجتماعي
  • الترويج عن طريق مواقع الفيديو (يوتيوب وفيمو وغيرها )
  • الترويج عن طريق مواقع الاعلانات المبوبة .(الوسيط و بيزات والمنتديات و…….)
  • الترويج عن طريق مواقع زات ترافيك عالي من بلد معين (مدفوع )
  • الترويج عن طريق مواقع البي تو بي (متقدمة شويه )
  • الترويج عن طريق الموقع الرسمي للشركة

ده تقريبا الخطوط العريضة لكل المواقع اللي ممكن تروج عليها لمنتجات شركتك اوخدمتك .نمسك كل نقطة لوحده وندرسها .

1- الترويج عبر مواقع االتواصل الاجتماعي تسويق منتجات الشركة

مواقع التواصل الاجتماعي كتير ولكن الاشهر فيهم والاكثر افادة لنا هي :

  • فيس بوك
  • تويتر
  • بينتريست

الفيس بوك تقريبا حسب الاحصائيات فيه مليار مستخدم يوميا  علي الموقع وده يعتبر كنز حقيقي لكل واحد عايز يروج لمنتجات او خدمات شركته .ازاي بقي ؟

لك ان تتخيل ان انت عايز تبيع منتج وبدور علي زباينك ولاقيتهم موجودين في مكان واحد طبعا ده قمة الانجاز ,هكذا هو الفيس بوك الترويج الفيروسي موجود فيه .

طيب ازاي هستفيد من الفيس بوك في الترويج لمنتجات شركتي ؟

في ترويج مجاني وترويج مدفوع ,الترويج المجاني معروف والمدفوع بتصرف عليه فلوس علشان توصل للانت عايز توصله .

اساسيات لازم تكون عندك لترويج منتجات الشركة

  • حساب علي الفيس بوك بايميل الشركة والاسم الرسمي لها
  • صفحة فيس بوك  باسم الشركة الرسمي
  • جروب باسم الشركة ويكون فيه كل تفاصيل الاتصال بالشركة .

اما الادوات المستخدمة في التحليل والاضافة فا ديه عايزه بوست لوحدها .

إرسال تعليق

جميع العروض الاسعار المعلنة هنا والتي تحمل رقم هاتف 01112807976 هي مسؤلية م مجدي حسن ,اما العروض فه. يتم التشغيل بواسطة Blogger.